2008-05-11

للغالية زوجتي


بعض الأبيات أهديها للغالية أم عزيز

سافرت ورجعت وماجبت لها هديه

لكن أنا أقولها


الوفا طبعك وأنا طبعي القصور
أعتذر لو كان مالي أي عذر لو نغيب ســــــنين وأيام وشهور
ناذر منساك ياالغالية ناذر لك بوسط القلب يالغالية جذور
وكيف يحيا القلب لامات الجذر

*********


لي غالي لو ابتعد عنه يبقى عندي قريب مثل نبض القلب فيني مايغيب

يا سائل عني تراني للوفا مانسيت وان غبت عن عيني تراك في القلب لك بيت
ماتجاهلتك أبد ولا هو غرور بس هاذي الدنيا غياب وحضور

*********

يسألوني من إلي تحبه وتغليه ومن إلي تعده دوم غالي ؟! قلت: إنشدو "قلبي "من إلي ساكن فيه ومن إلي له <قدر عالي> قالوا: الله يعينك دامك هالكثر تموت فيه شنقول: غير الله لايفرق بين "غالي وغالي"

**********

مابكت عيني لاجل غدر السنين: ولابكت عيني على حظي الردي: ومابكت عيني لاجل ابقى حزين: ولابكت عيني يوم
كنت في يدي: يمكن بكت عيني لاجل شخص ثمين أموت في حبه ولايعرف مقصدي

**********
المحبه في حياتي ماهي على حبر و ورق

"المحبه " في حياتي شوق واحساس وألم ~

المحبه من صفاتي لا تشك فيني أبد ..

ما ابيع اللي أحبه وما أحب إلا لسبب

وأعظم أسبابي لحبك طيبتك وأصلك ذهب

12 comments:

Anonymous said...

الله يسعدكم ويهنيكم ويدوم عليكم المحبة ويبعد عنكم العين اللي ماتصلي على النبي
وما اقول لأم عزيز الا الله يخليه لكم
------
حزنت على قرار ابتعادك البطيء عن العرب المسافرون لكن في نفس الوقت مقدر ظروفك واللي عليك عملته وأكثر يكفيهم انك صابر علىيهم طول ذي الفترة ولا حتى قدروا ذا الشيء
للأسف خسارة كبيرة أخرى للعرب المسافرون
الف تحية وتقدير من كل أهل قطر

Anonymous said...

الله عليك يابوعزيز
كلمات اجمل منها مافيه
الله يوفقكم ويسهل أمركم والله ثم والله اثلجت صدري بما طبعتة اناملك الجميلة

ويلوموني فيك يالغالي
مغليك hesham

عربيه said...

جئت لأستمتع هنا بجمال المشاعر والحروف معا
ما أجمل كلماتك جدا ً فاتنهْ
هنيئا لك ابو عززيز وهنيئا لها هذا الكم الهائل من الحب

ادام الله عليكم السعاده
ولقلبك سحابة تظللك أينما كُنت

Anonymous said...

دومك هالكثر تحبه لابد وملزوم تقول له
ولا تعودللغلط لا تعود له
ترا الحريم عندهم الا الهدايا وخاصة الغاليه ههههههههههههههههه
الله يخليكم لبعض ان شاء الله ويخليلكم عزوز واخته بعد

Anonymous said...

الله الله على الكلام الحلو


تستاهل ام عزيز


الله يديم المحبه و يكفيكم شر العين


مزون :)

Anonymous said...

الله يخلي لك ام عزيز يااااااااااارب
وتبعد عنكم @@ الحاسدين
:)

Anonymous said...

Allah ya5leelk Um 3zeez oo y5leek laha (f)

oo Allah yrz8na azwaj mthlk ^_^

AMEEN :D

Anonymous said...

الله يسعدك ويمتعك بصحتك وشبابك زي ما اسعدتنا بمواضيعك الحلوه ..وانتي يا ام عزيز الله يخليلكم زينتكم وبهاكم (ابو عزيز) ويكفيكم شر خلقه ...
إلا أبسألك أبو عزيز مالك أخو ّّــــ لوووووووول

Anonymous said...

كلمات جميلة
صدرت من قلب محب..!

أدام الله محبتكما..وحفظكم والصغيرين عزيز وليان بحفظه..
أخوك عبدالله المسافر...

Emily said...

الله يهنيك مع أم عزيز ويديم عليكم المحبه طول العمر ان شاء الله

Anonymous said...

ماشاءالله تبارك الرحمن
من قدج ياأم عزيز على هالكلام الحلو
أكيد بيسوى عندج أكثر من مليون هديه

عسى الله يخليكم لبعض ويدوم المحبه ولايغير عليكم ياااااااارب



مضاوي من الكويت

Anonymous said...

أبو عزيز..
الله يخليلك أحلى زوجة بالعالم ........
ويخليلي أحلى زوج بالعالم زوجي وحبيبي حتى لو ربي مارزقنا بالاولاد يكفيني حبنا لبعض..
بنت الرمل
بنت القرشي