2009-02-17

الحزن في صـــوتك


الحـزن فـي صوتك ازعـج ساكـنـي

لين صـار الكـون مـن حولـي حزيـن

غصب عنـي حـزن صوتـك هاجنـي
ليـن خلـى عاصـي المعنـى يلـيـن

وامتـثـل حــرف القـصـيـد وعـادنــي

وانسكب حزنك على شعري حنيـــن

شلــت أنـا حزنــك وحزنـك شالـنـي

أكـتـم الـصـرخـه ويـنـسـاب الونـيــن

شــفت حزنـك كيـف حزنـك شافنـي

كيـف داهـم خلوتـي فـي لحظتيـــن

طـيـر أنــا مثـلـك زمـانـي ضـامـنـي

جرحتنـي مثـلك سـيـوف السنـيــــن

صـابـك الـلـى مــن زمــانٍ صابـنـي

فـي معاليـق الحشـا جرحـه دفيـن

كــل ما ودعــت هــم زارنـــــــــي

مــن عــذاب الـوقت بيــاح الكنيـــن

الـفــرح عـقــب الـصـداقـه عافنــي

خافت البسمه على وجهـي تبيـــــن

طير يا اللّي صـوت حْزنـك هاضنـي

الله الــلـــي يـنـتــصــر لـلـصـابـريــن

من روائع المبدع خالد الفيصل