2010-01-20

أكرهك



واقفة بيني وقلبي .. لا سبب ولا غرض



تشغلي قلبي بغرامك .. ولا خبرته اعترض


لا بغيت ينساك قلبي غصب عني يتذكّر


ولو غلطتي فيني مره .. عنك قلبي تعذّر


أكرهك


وفي عز كرهي أحس إني احبك أكثر


مدري حالي ذا طبيعي ؟


ولا حالي ذا مرض !


---


الغريبة إن قلبي يبيعني ويجيك عنوه


والغريبة إن طبعك فيه رقه وفيه قسوة


والغريبة إني جنبك ألقى في الحرمان نشوه


ولو ألوم قلبي في غرامك علي قلبي يتنكر

أكرهك

وفي عز كرهي أحس إني احبك أكثر


مدري حالي ذا طبيعي ؟


ولا حالي ذا مرض



---

الحقيقة إنا في حيرة مع قلبي ومعاك


والحقيقة لا اقدر اوصلك ولا اقدر أمنعك


والحقيقة قلبي عصاني وأنتي طاوعك


ولو بغيت ابعد بقلبي أخاف قلبي يتأثر


أكرهك
وفي عز كرهي أحس إني احبك أكثر


مدري حالي ذا طبيعي ؟


ولا حالي ذا مرض !